واحده من أساليب التسويق الحديثه وأساليب التسويق المبتكرة واللي كان لها تأثير كبير في الكام شهر اللي فاتوا بسبب الحظر المنزلي وأزمة كورونا واثبت فاعليته بشكل كبير في التسويق
وهو البث المباشر وطرق استخدامه في التسويق .
ده المقال رقم 3 من سلسة مقالات اللي بتكلم فيها عن أفضل طرق التسويق بشكل مبتكر
فلو فاتك المقالات اللي قبل كدا هتلاقي الروابط في أخر المقال ده انصحك تشوفها
 |
| التسويق عن طريق البث المباشر |
أمثلة واقعية على استخدام البث المباشر في التسويق
المثال الأول :
- 3 بنات أصحاب فتحين محل مفروشات ومكنوش مهتمين بالتواجد اونلاين اوي يدوبك كانوا عملين جروب صغير كدا عليه اصحابهم بيعرضوا فيه المنتجات اللي عندهم وصفحه متكملش 1000 متابع , وكان كل تركزهم انهم يبعوا من خلال المحل اللي فتحينوا بس .
وفجأه ازمة كرونه وحظر ومفيش بيع خالص.
طلعوا بث مباشر يومين في الاسبوع لمدة ساعتين.
وهو ده كان المحل بتاعهم بيعرضوا المنتجات بتاعتهم live والناس تشوف وتتفرج وتسال وهما يردوا عليهم ويفرجوهم كل الالوان والاشكال وطبعا كانوا بيبعوا والمنتجات بتوصل شحن للزباين .
- وعشان يشجعوا الناس اكتر كانوا بيعملوا مسابقات وهدايا وعروض داخل اللايف وكله بيكون متابع عشان يشوفوا مين هيكسب اخر الايف وطبعا كان في شير في كل حته والصفحة الصغيره بتاعتهم دي بقا لهم متابعين دلوقتي اكتر من 10.000 متابع من غير ولا اعلان واحد ممول .
المثال التاني :
- البشمهندس حسن عندو شركة ديكور بيطلع لايف اول ما يستلم المكان اللي هيشتغل فيه دكور قبل ما يتشطب ويتكلم مع متابعين الصفحة ( الجمهور المحتمل ) ويقول لهم انا هعمل في كذا وكذا.
وكل ما ينجز جزء في الشغل يطلع لايف يفرج الناس قدر الانجاز وهو عمل ايه !
فكرين في المقال اللي فات لما قولنا عيش العملاء مناخ شركتك
تقدر تقراء المقال من هنا ......
هو ده اللي البشمهندس حسن بيعمله .
العميل شايف الشغل والانجاز ادام عنيه شايف الجوده وشايف شخص فاهم متقن لشغله بيتكلم وبيستعرض شغله .
اعتقد البشمهندس حسن قبل ما يسلم الشقه اللي بيعمل فيها الدكور بيكون جاله شغل جديد من احد مشاهدين اللايف اللي بيعمله .
مميزات تستخدم البث المباشر في التسويق
 |
| البث المباشر في التسويق |
الصورة بالف كلمة، والفديو بالف صورة، والبث المباشر بالف فديولانه واقعي مفهوش فبكرة ولا تعديل
- اعمل بث مباشر للكواليس الخاصة بالخدمة اللي بتقدمها أو لحدث مهم في الشركة.وخد بالك الفديو عمره اطول على الانترنت .
- اعمل البث في المنصات اللي فيها الجمهور بتاعك واحفظ الفديو وانشره على منصات تانيه ده هيساعد كتير في انتشارك وحصد اكبر قدر من المتابعين .
واستغل المتاريل والمقصود هنا مقاعد الفديو الخاصة بالبث المباشر انك تقطع منها اجزاء مهمه وتعيد استخدامها بعد كدا كفديوهات للترويج لك ( ففي الاعادة افادة ).
- اعمل بث مباشر للرد على الأسئلة والتواصل مع العملاء، ده هيزود الثقه بينك وبين المتابعين والترابط بنكم .
- قبل ما تعمل البث قم بالتنويه عن خصم أو عرض خاص سيتم طرحه فقط في البث المباشر عشان تخلي اعداد أكبر تتابع البث..
- البث المباشر ينفع لكل المجالات سواء الخدمات او المنتجات
حتى ابسط المهن - السبكين - النجارين - السنكري - المكانيكي - ........... الخ
- كمان غرف الدردشه وموقع zoom وغرها كان لها دور كبير الفتره اللي فاتت في عمل لقاءات مع العملاء عن بعد وهتخسر شركات كتير لو تخلت عن الابشن ده مع بعض العملاء في التفاوض وعرض المنتجات في الفترة الجاية حتى بعد انتهاء ازمة كرونة .
لان ببساطه مش كل الوقت العملاء وقتها بيكون متاح انها تجيلك مقر شركتك وبالتالي التواصل اونلاين حل مثالي لناس كتير في العموم .
الخلاصة
اشوفكم في المقال الجاي و طريقه جديده من طرق التسويق المبتكر.
ولو عندك قصه عن البث المباشر ونفعك فيها قولها في كومنت
ولو عجبك المقال ادعمنا بكومنت وشير