30 قاعدة تسوقية في تسويق البزنس بالشرح والتفسير

في البداية خلينا مُتفقين تماماً إن البرمجة بحر واسع وغويط أوي ومش مُجرد مقال مهما كانت إحترافيته هيعرفك كل شيء عن البرمجة .

الهدف من المقال ده إني أرسم معاك الطريق اللي يساعدك تبدأ في مجال البرمجة وتكون عارف أهدافك كويس أوي فيه وعارف الغاية من كل خطوة بتمشيها وهيعرفك أشهر 5 لغات برمجة شعبية في العالم وكورسات تساعدك تبدأ في لغات البرمجة دي .

كيف تتعلم البرمجة 

أولا: ماهي البرمجة ؟

خلينا نفترض إنك وصلت قدام سنترال علشان تشتري شاحن موبايل ، إزاي هتقول لصاحب السنترال إنك "محتاج" شاحن ؟ ، أكيد سهلة يعني هتقرب عليه وإتقوله بعد إذنك عاوز شاحن للموبايل بتاعي اللي نوعه كزه صح ؟ ، طب تخيل إنه عنده عجز عن الكلام ومش قادر توصله إنت عاوز تشتري إيه هل هتعرف تشتري اللي إنت عاوزه ؟ بالتأكيد لا صح لإنك بإختصار لازم تلاقيله شخص بيعرف يتكلم "نفس لغته " صح .

ده نفس الموضوع بينك إنت والكومبيوتر ، إنت الزبون والكومبيوتر هو البائع ، إنت بتحتاج للبياع بكل مميزاته وقدراته اللي مش عندك ، علشان كده لازم تتعلم ( إزاي تتكلم مع البياع "الكومبيوتر " وإزاي تقدر من خلاله تاخد اللي إنت عاوزه ) . 

 لغات البرمجة ما هي إلا لغات بمعني الكلمة ، كل اللي إنت بتعمله إنك بترجم من اللغات دي اللي إنت عاوزه علشام الكومبيوتر يقدر ينفذلك المهمة اللي إنت عاوزها 

ثانياً : ليه لغات البرمجة مُختلفة ؟

عندك العربي فيه 28 حرف ، والإنجليزي 26 حرف ، يعني مثلاً ممكن تلاقي كلمة واحدة بالعربي بترجمها بجملة من الإنجليزي .

نفس الموضوع من لغات البرمجة تختلف عن بعضها في تكوينها وقدراتها مع فروق طفيفة جداً فيها 

لغات البرمجة زي أي لغة من لغات الطبيعة لها حصيلة لغوية وكلمات ، ولكن بتتميز إن اللغة بعد تطويرها ممكن تلاقيلها مُسمي تاني خالص 

تعالوا ناخد مثال :- لغة ال GAVA إتطورت من لغة ++C وأصبحت لغة مستقرة بنفسها وإتضافت لباقي لغات البرمجة الكتيرة 

ثالثا: الفرق بين المبرمج والمصمم 

عندنا خلط كبير أوي عند مُعظم المُبتدئين بين ( المُبرمج والمُصمم ) تعالوا نعرف مع بعض الفرق بينهم ؟

-  فالحقيقة الإتنين مرتبطين ببعض جداً ولكن فيهم فروق جوهرية لازم تعرفها علشان تعرف تحدد مسارك المهني والعملي .

- علشان نعرف الفرق بينهم تعالوا ناخد مثال بسيط :-

كلنا شاف السواق وهو سايق العربية ، وعارفين إنه علشان يحركها لازم يدوس علي البنزين وعلشان يوقفها لازم يدوس عالفرامل ، ولكن هل ممكن العربية تشتغل لو جبنالها بنزين ودواسة بنزين وفضلنا ندوس عليها ؟  أكيد لا .

أكيد فيه شخص تاني بيعمل العمليات الخلفية اللي السواق مش بيشوفها ، فحركة العربية بتعتمد علي إيه اللي بيحصل لما بدوس علي البنزين مش دواسة البنزين نفسه ، فاهمني صح ؟

أكيد كده إتفقت معايا عن الفرق بين المُبرمج والمُصمم ، فالمصمم هو اللي بيعملك الدواسة وإنما ازاي العربية تتحرك عن طريق دوسك علي الدواسة ده المُبرمج .

 كل واحد منهم علفكرة له صفات شخصية فمثلاً :-

◾ المُصمم :

1. حبه للألوان وقدرته علي معرفة الفرقة بينهم .
2. الإبداع والإبتكار .

◾المُبرمج :

1. التفكير المنطقي .
2. قدرته علي حل المشكلات .

رابعاً: تعلّم البرمجة سهل ولا صعب 

السؤال ده إتسألي كتير أوي ، وأنا Career Coach يا شباب يعرفني بوصلك لشغفك والمجال اللي إنت حابه وبقولك إزاي تتعلمه ومين أفضل شخص لو قابلك مشاكل فيه تسأله بس كده ، ولكن بحثتلكم كتير أوي عن الموضوع ده في نقاط بسيطة :-

1. لازم تعرف من البداية إن تعلّم البرمجة محتاج مجهود ، هتقعد ساعات وأيام من القراءة والتعلم علشان توصل لدرجة المعرفة اللي تخليك تبدأ تجرب وتاخد خبرة .
2.  قولنا من صفات المُبرمج الناجح إنه بيعتمد علي المنطق ، كل شيء فالبرمجة بتعتمد علي المنطق ، حتي العشوائية فيه منطقية في حدوثها ، تأكد إنك هتتعامل مع المنطق كتير أوي أثناء تعلمك للبرمجة وإنشاء برامجك أو مواقعك 
3. البرمجة مش سهلة ولا صعبة ، ولكنها بتحتاج لمجهود عبشان تتعلمها ، لو قدرت تثق إنك قادر توفق بين النقطة الأول والثانية فتأكد إن تعلم البرمجة هيكون سهل وممتع جداً ، وفرحت إتمامك لكل لغة من لغات البرمجة مفيش زيها فرحة ممكن تشوفها صدقني .

خامساً: إزاي تختار لغة البرمجة في أول طريقك ؟

بوص ياباشا بإختصار شديد جداً ، علشان تعرف لغة البرمجة لازم تعرف في الأول خالص ( هدفك من تعلم البرمجة نفسها ) ، هل هو لإنشاء برنامج معين ؟ ، هل هو لإنشاء تطبيق معين ؟ ، هل هو لإنشاء موقع ويب مُحترف ؟ .

لما تجاوب علي السؤال ده هتبدأ تبحث عن لغات البرمجة اللي بتحقق الهدف بتاعك وتبدأ تتعلم اللغات دي .

أشهر 5 لغات برمجه

سادساً: إيه هي أنواع لغات البرمجة وفقاً لمجالها ؟؟

◾ لغات برمجة " برامج سطح المكتب "

1. #C
2. ++C
3. Java
4. VB

لغات برمجة لتطبيقات الإنترنت :

1. PHP
2. JavaScript
3. Java
4. Python
5. Rupy

لغات برمجة الموبايلات :

1. Swift
2. Java
3. #C
4. Lue
5. Objective-c

لغات برمجة للتنقيب عن البيانات :

1. R
2. Paython
3. SQL
4. Java
5. SAS
6. Perl

 ماتتعبش نفسك في التفكير في أفضل لغة لتحقيق هدفك ، متضيعش دقيقة من وقتك في التفكير خالص إبدأ إتعلم اللغات اللي ليها علاقة بهدفك وكرث مجهودك كله عليها

 

سادساً : تعمل إيه علشان تتخلص من الإنجليزي في البرمجة ؟؟

 مُعظم الكتب حالياً اللي تفهمك البرمجة إنجليزي فلازم ولابد من الإنجليزي في التعامل مع البرمجة :

• عندك Z American English ، حمله .

• خلي ٣٠ دقيقة من وقتك تعلم إنجليزي .

• ٣/ خلي ٣٠ دقيقة من وقتك ممارسة إنجليزي عن طريق أبليكيشن إسمه ESL Pod ensider .

• خلي ساعة من يومك في البداية تعلم لغة من لغات البرمجة انت محتاجها .

• خلي نص ساعة من يومك قراءة وسماع ڤيديوز لناس خبرة في البرمجة .

• خلي نص ساعة من يومك كمان تطبيق اللي إتعلمته حتي لو شيء صغير عن البرمجة طبقه عملي ، ومتضيعش وقتك في تعلم نظريات فقط طبق اللي إتعلمته عملي .

• بقا عندك فاليوم كله ٣ساعات فقط تعلم وممارسة .

سابعا: كورسات تعلم البرمجة

ودي طبعاً أكتر فقرة إنتم مستنينها بفارغ الصبر ، إيه الكورسات إللي أخدها والناس اللي أتابعها والجروبات اللي أدخل فيها في مجال البرمجة ؟

◾ الكورسات المجانية الأونلاين في مُعظم لغات البرمجة من هنا :-

1/ موقع برمج مهم جدا ليك كمُبرمج

2/ منصة معارف مهمة جدا ليك كمبرمج

3/ منصة Code Academy ودي أصلها كويتي ومن ضمن منصاتها منصة برمج اللي حطتها فالأول :

4 دي حبة كورسات تانية في البرمجة برضه هتفيدك من منصة تانية :

الكورسات الأوفلاين هي بتبقي دايماً غالية وإنت كمُبرمج بيكون وقتك وفلوسك مهمة جدا فنصيحتي
وفر وقتك وإتعلم من البيت .
المكان ده كويس جداً ... اضغط هنا

تتابع مين وتستشير مين في مجال البرمجة , هو مفيش غيره والله أكتر شخصية بتحب العطاء وفعلاً شخصية مجتهدة ومحترفة في مجال البرمجة أ/ أحمد طرطور .
عاوز أقولكم عامل كتاب إسمه ( طريقك للبرمجة ) عظمة أو فوق العظمة بعظمتين تلاته ولو دخلت علي قناة اليوتيوب بتاعته هتستفاد منه جداً :-

• أكونت الفيسبوك بتاعه 
• قناة اليوتيوب بتاعته
• كتاب طريقك للبرمجة 

بالنسبة بقا للجروبات اللي تدخلها ده لينك فيه كل الجروبات في مجال البرمجة في الوطن العربي كله

من هنا 

وأنت برضو اعمل بحث ودور على الجروبات واشترك فيها وتفاعل فيها واتعلم 

كده إحنا خلصنا رحلتنا مع طريق البرمجة وأتمني أكون قولتلكم كل اللي محتاجين تعرفوه في مجال البرمجة علشان تبدأوا في المجال وإتقولوا بسم الله وتبدأوا .

لو عندكم أي سؤال إكتبوه في ال comments وطبعاً ماتنساش تعمل mention لصاحبك اللي عاوز يكون مبرمج وهكر الشلة , ومتنساش تفيد غيرك وتعمل share لذيذ كده علشان تساعدني في نشر الخير للناس .

كنت معاكم أنا نادر محمد

وإوعي تنسي يا صاحبي لو مش متابعني تعمل follow وتكتبلي في الكومنتات عاوزيني أكلمكم عن مجال إيه غير البرمجة

#Nader_Mohamed

تعديل المقال